A Tempo Escola de Música
A Tempo Escola de Música

      Concerto

            1045+      MIGUEL LAMAS

23 de Maio 20:30h

   Casa das Campás

        Pontevedra

 

 Promove: Universidade de Vigo.    Vicerreitorado do Campus de  Pontevedra

      Organiza: A Tempo

 

Miguel Lamas batería

Iago Mouriño teclado

Octavio Vargas baixo

Pablo Añón saxofón

               

"Desde a máis tenra infancia Miguel Lamas  (Ferrol, 1993) estivo relacionado co mundo da música xa que parte da súa familia traballaban neste sector. O culpable principal do amor pola batería foi o seu tío Colás Lage (renombrado baterista galego) polo que desde sempre sente unha gran admiración.

 

Aos 4 anos comezou a tocar a batería con múltiples dificultades xa que era tarefa practicamente imposible alcanzar os pedais, timbales e pratos simultaneamente pero este factor non fixo máis que incrementar o interese polo instrumento e a música e con tan só cinco comezou a asistir a clases de solfexo e batería en `Escola da Vaca´ a cargo do profesor Manolo Pérez; ao seis xa fixo a súa primeira actuación en público e entrou a formar parte dunha das bandas da escola. Foi con esta banda (Puchos do Diaño), e con oito anos de idade, cando entra no mundo dos festivais de verán ; tamén sobre esas datas matricúlase no Conservatorio de Música Clásica da cidade

 Miguel Lamas empeza a reunir unha importante traxectoria e experiencia acumulada o que lle levou a converterse nun dos bateristas de referencia en Galicia tanto para gravacións como para directos o que lle permitiu conseguir catro bolsas consecutivas  outorgadas pola AIE; isto con tan só 16 anos de idade.

 

Miguel xa traballou  con artistas e bandas como Raimundo Amador, Miguel Rios, Tomasito, A Susi, Pepe Bao, Rafa Kas, Dean Bowman (Screaming Headless Torsos), Roy Hargrove, Pablo Bicho, Ludovico Vagnone, Brothers in Band, BellónMaceiras Quinteto, Julie Guravich & Telespoting, tanto en directo como en estudo, exercendo de produtor nalgúns dos discos, así como proxectos persoais como o cuarteto  de jazz fussion "1045" con Iago Mouriño, Octavio Vargas e Pablo Añón

 

Sen dúbida é unha importantísima promesa do noso panorama nacional que empeza xa a ter visos de realidade e que poderás gozar de preto en calquera dos clinics demostrativos que vai realizando pola xeografía nacional.

 

http://tanakamusic.com/2012/12/19/currandotelo-haciendo-promocion-y-luchando-todo-se-puede-conseguir-entrevista-a-miguel-lamas/

Benvidos !!

Facer música faite máis intelixente

 

 

Facendo música melloras a túa saúde

Facendo música melloras a túa vida

 

 

Facendo música manteste novo

 

A escola de música A Tempo créase no ano 1998 co obxectivo de:

Promover os estudios de jazz e música moderna , e tamén os estudios de música en xeral, en especial a formación musical infantil, a través de unha estructura organizada e sustentada en programas de estudios avalados pola Consellería de Educación da Xunta de Galicia.

Procurar a combinación de ensino teórico e práctico, a través da práctica en diferentes grupos: combos, música de cámara, orquestra, coro, etc... en colaboración con profesores e profesionais de prestixio. 

Proporcionar axuda a todolos que pretendan estudiar música dende os niveis iniciais ata os estudios profesionais. Os nosos programas de estudios adaptanse as necesidades do alumno, dende a preparación de provas de aceso a escolas superiores de música moderna de España e Portugal, a conservatorios e tamén formación musical a afecioados de todalas idades.

Oganizar seminarios, aulas maxistrais e sesións musicais a cargo dos profesores, alumnos e grupos da escola, procurando espazos de relación con outros alumnos e profesores, posta en práctica do estudiado a través das sesións de música. 

Inscrita no rexisto de escolas de música da Consellería de Educación da Xunta de Galicia  nº 36024033

 

 

 

EDUCACIÓN INFANTIL
Dende os tres anos, os nenos poderán aceder á cultura musical, tomando contacto cos diferentes instrumentos, con músicos e profesores para estimula-la sensibilidade musical.

ADULTOS
Se estás pensando en recupera-la túa afeción musical ou tomas a decisión de toca-lo teu instrumento favorito, agora que tes máis tempo para ti; a idade non ten porque ser un impedimento.

PROBAS DE ACESO E EXAMES
Os estudantes de conservatorio dispoñen en A TEMPO de profesores preparados para axudar naqueles reforzos que o alumno precise para mellorar-la súa formación e acadalo coñecemento e destreza precisa. Os alumnos de percusión, poden prácticar nunha marimba de 4 octavas e 1/3. Podemos axurdarvos a prepara-las vosas probas de aceso a conservatorio ou probas de nivel, etc.
Se á formación clásica , queredes engadi-la música moderna: jazz, rock, blues, folk; tamén podedes contar co noso asesoramento.

GRUPOS E ORQUESTRAS
Para os  grupos de rock, jazz, folk, etc, pomos á vosa disposición un músico profesional que vos asesorará musicalmente.

ASESORAMENTO
Calquera idea musical que teñas, consultaa connosco, trataremos de axudarte en todo canto precises. Podes elexir de entre un bo grupo de profesionais para o estilo que practiques: Clásico, rock, jazz, blues, folk…

Podes visita-las nosas instalacións, coñecer onde e como traballamos e consultar persoalmente os aspectos que máis interese teñan para ti.

A Tempo Escola de Música  Praza A Castaña nº 2-baixo  Pontevedra  986844104    659474352     atempo.org@gmail.com